Bu gün “Qarabağ” Futbol Klubunun bazası “Ruslan – 93” idman kompleksində Klubumuz və “Azərsun Holding” şirkətlər qrupunun təşəbbüsü ilə keçirilən “Həmrəylik" turnirinin püşkatma mərasimi baş tutub. 14-00 da baş tutan görüşə yarışda çıxış edəcək komanda rəhbərləri iştirakıyla turnirin məqsədi, idmanın sağlamlığı barəsində geniş söhbətlər aparıldı. “Azərsun Holding” Media üzrə rəhbəri Sənan Orucov turnir haqqında geniş məlumat verdikdən sonra sözü “Azərsun Holdinq”in baş direktoru Fevzihan Arasa verdi. Fevzihan bəy belə tədbirlərin çox əhəmiyyətli olduğunu, bildirərək yarış iştirakçılarına uğurlar arzuladı. Sonra isə, “Qarabağ” FK-nın baş məşqçisi Rasim Kara çıxış edərək, belə yarışların sonunda dostluğun qalib gəldiyini bildirdi. Sonda isə həyəcanla gözlənilən püşkatma mərasimi baş tutdu. Turnirə idarə heyətiylə qatılacaq “Qarabağ “FK”nın rəqibləri “Meridian”, Azərbaycan Sənaye Bankı”, “İnnova Construction” və “Petrolium - 2” oldu. Turnir haqqında daha geniş məlumatı www.hemreylikturniri.com saytından əldə edə bilərsiz.