Bu gün Çempionlar Liqasının I təsnifat mərhələsinin püşkü atılıb. "Qarabağ"ımız bu mərhələdə Sloveniyanın "Olimpiya" klubuyla qarşılaşacaq. Komandamızın baş məşqçisi Qurban Qurbanov püşk haqda fikirlərini bildirib: "Çox çətin rəqiblə qarşılaşacağıq. Belə rəqiblə qarşılaşmaya pley-off matçı kimi meydana çıxacağıq. Artıq bu gündən rəqibi analiz etməyə başlayacağıq və oyuna qədər maksimum hazır olaq. Əlimizdən gələni etməyə çalışacağıq. Bizə ən çətin və gözlənilməz rəqib düşdü".