1 QƏLƏBƏ 1 HEÇ-HEÇƏ

12 Avq 2008

1 QƏLƏBƏ 1 HEÇ-HEÇƏ

Xəbər verdiyimiz kimi, 19, 17 və 15 yaşlı futbolçulardan ibarət Azərbaycan yığma komandaları avqustun 7-dən etibarən Belarusun paytaxtı Minsk şəhərində təlim-məşq toplanışındadır. Hazırlıq prosesi çərçivəsində U-15 Belarusun «Dinamo» SDYŞOR klubunun nəzdindəki 15 yaşlı futbolçulardan ibarət komanda ilə qarşılaşıb. Oyun 2:2 hesabı ilə başa çatıb. Yığmamızın rəqibi hər iki qolu 11 metrlik cərimə zərbəsindən vurub. Komandamızın heyətində Samir Mirzəli və Aleksandr Qross fərqləniblər.

19 yaşlı futbolçulardan ibarət Azərbaycan yığması isə Belarusda keçirdiyi təlim-məşq toplanışı çərçivəsində BATE klubunun nəzdindəki həmyaşıdlarından ibarət komanda ilə yoldaşlıq oyununda qüvvəsini sınayıb. Qarşılaşma 2:0 hesabı ilə yığmamızın xeyrinə başa çatıb. Rəqib qapısından topları Zahid Quliyev və Ramin Rəhimzadə keçirib.

Paylaş