1 QOL - 1 XAL. FOTOQALEREYA

"QARABAĞ" - Fərhad Vəliyev, Zaur Həşimov, Zekeriyye Ramadan, Mamadouba Soumah, Azər Məmmədov, Namiq Yusifov, Aslan Kərimov (K), Emin İmaməliyev, Artim Şakiri, Zaur Ramazanov.

"Olimpik" - Elşən Poladov, Sergey Laşenko, Usim Nduka, Klaudinyo, Junivan Suares, Bəşir Müqədi, Ramin Quliyev, Nizami Hacıyev, Leandro Qomeş, Rəşad Abuzərov, Tərlan Əhmədov.

1-ci dəqiqə - Topa ilk toxunuşu "Olimpik" komandası etdi

3-cü dəqiqə - Tərəflər meydanın mərkəzində mübarizə aparır

4-cü dəqiqə - Oyunda ilk  zərbəni "Qarabağ" komandası yerinə yetirir. Emin İmaməliyevin zərbəsini qapıçı dəf edir

5-ci dəqiqə - İlk real qol vəziyyəti. Eminin aşırma zərbəsindən sonra qapıçı çətinliklə də olsa topa nəzarət edə bilir

6-cı dəqiqə - İlk künc zərbəsindən sonra Mamadouba topa başla dəqiq zərbə endirə bilmir

8-ci dəqiqə - Komandamız ərazi üstünlüyünü ələ keçirib

10-cu dəqiqə - Murad Ağakişiyevin zərbəsi qapının üstündən keçir

13-cü dəqiqə - Hesab dəyişməz olaraq qalır. 0:0

20-ci dəqiqə - Emin İmaməliyevin sağ cinahdan cərimə meydançasına ötürdüyü topu qapıçı ram edə bilir

22-ci dəqiqə - "Olimpik"in ilk düşünülmüş hücumu qolla nəticələndi. Junivan Suaresin vurduğu top Zekeriyyəyə dəyərək qapı xəttini keçir

25-ci dəqiqə - Komandamız topa nəzarət etməyə çalışır

30-cu dəqiqə - Hesab 0:1

38-ci dəqiqə - Oyunda ilk sarı vərəqə. Sergey Laşenko Zaur Ramazanova qarşı kobud oyuna görə sarı vərəqə ilə cəzalanır

39-cu dəqiqə - Artim Şakirinin cərimə zərbəsi qapının üstündən keçir

43-cü dəqiqə - Şakirinin vurduğu möhtəşəm cərimə zərbəsinə rəqib komandanın qapıçısı da möhtəşəm reaksiya göstərdi

45-ci dəqiqə - Hakim ilk yarının əsas vaxtını artırmadan birinci yarını bitirdi

46-cı dəqiqə - İkinci yarı başladı

47-ci dəqiqə - Klaudinyonun zərbəsi təhlükəli alınır

49-cu dəqiqə - Zaur Ramazanov möhtəşəm zərbə ilə topu qapıya vursa da qapıçı səhvsiz oynayır

50-ci dəqiqə - Komandamızın hücumları getdikcə kəskinləşir

55-ci dəqiqə - "Qarabağ" hücumlarını davam etdirir

59-cu dəqiqə - Oyunda ilk oyunçu dəyişikliyi. Azər Məmmədovun yerinə meydana Viktor İqbekoye daxil olur

62-ci dəqiqə - "Olimpik" ilk oyunçu dəyişikliyinə əl atır. Bəşir Müqədini Samir Musayev əvəz edir

65-ci dəqiqə - "Qarabağ"ın heyətində ikinci dəyişiklik. Murad Ağakişiyev meydanı tərk edir. Meydana 20 nömrəli oyunçumuz, Vaqif Cavadov daxil olur

69-cu dəqiqə - Oyunda 2-ci sarı vərəqəni Nizami Hacıyev alır

70-ci dəqiqə - Zaur Ramazanov əla qol imkanı əldə etsə də topu 2 metrdən qapıya göndərə bilmədi

71-ci dəqiqə - "Olimpik"in heyətində növbəti dəyişiklik: Ndukanı Axalkatsi əvəz edir

75-ci dəqiqə - Zaur Ramazanovun növbəti şansı... Bu dəfə o topa başla dəqiq zərbə endirə bilmir

76-cı dəqiqə - "Qarabağ"da son dəyişiklik. Namiq Yusifovu Nidal Ferhatoviç əvəz edir

78-ci dəqiqə - Komanda tam heyətlə hücuma keçsə də hələ ki, heç bir nəticə əldə etmək mümkün olmur

80-ci dəqiqə - Növbəti real qol şansı. Lakin Şakirinin zərbəsi qapıdan azacıq aralı keçir

81-ci dəqiqə - Bu dəfə Viktor yaxın məsafədən topu tora göndərə bilmir

82-ci dəqiqə - Künc zərbəsindən sonra Vaqif qapını dəqiq nişan ala bilmir

88-ci dəqiqə - "Olimpik"in heyətində son dəyişiklik. Junivan Suaresi Xutsişvili əvəz edir

90-cı dəqiqə - QOOOOOOOOOOOOOOOOOOLLLLLLLLLLL!!!!! NİDAL FERHATOVİÇ HESABI BƏRABƏRLƏŞDİRİR. 1:1

90-cı dəqiqə - Hakim oyunun əsas vaxtına 4 dəqiqə əlavə edir

OYUN BAŞA ÇATDI. HESAB 1:1

FOTOQALEREYA