11 futbolçumuz milli komandalarda

Komandamızın 11 futbolçusu millilərin noyabrda keçiriləcək oyunlarına çağırılıb. 8 futbolçumuz Azərbaycan yığmasının Millətlər Liqasının son iki oyununa hazırlaşan heyətdə yer alıb.

Açıqlanan ilkin heyətdə yer alan Abbas Hüseynov, Bədavi Hüseynov, Bəhlul Mustafazadə, Aleksey İsayev, Nəriman Axundzadə, Elvin Cəfərquliyev və Toral Bayramova sonradan milliyə çağırılan Musa Qurbanlı da qoşulub.

Üç legionerimiz də millisinin düşərgəsinə yollanıb. Marko Yankoviç Monteneqro yığmasının Millətlər Liqasındakı görüşlərinə çağırılıb. Yassin Benzia Əlcəzair, Patrik Andrade Kabo-Verde komandası ilə Afrika Millətlər Kubokunun seçmə oyunlarına dəvət olunub.