1/4 FİNAL: "ÇEMPİON BİR HİSSƏ DÖZƏ BİLDİ..."
27 Fev 2007
1/4 FİNAL: "ÇEMPİON BİR HİSSƏ DÖZƏ BİLDİ..."
Azərbaycan Kuboku uğrunda 1/4 finalın ilk iki görüşü arxada qaldı. İlk günün mərkəzi qarşılaşması T.Bəhramov adına Respublika stadionunda baş tutdu. Çempion "Bakı" Lənkəranın "Xəzər" komandasını qəbul etdi. Matçın ilk hissəsi qarşılıqlı hücumlarla keçsə də hesab açılmadı. Maraqlı qarşılaşmanın ikinci hissəsi həm də məhsuldarlığı ilə yadda qaldı. Belə ki, qonaqlar yarımfinalın taleyini bir hissədə demək olar ki həll etdi və çempionun qapısından iki cavabsız top keçirdi... Günün digər oyununda "İnter" gözlənildiyi kimi, "Gənclərbirliyi"ni çətinlik çəkmədən məğlub etdi. İki cavabsız topla "İnter" özünü yarımfinalda hiss edə bilər... 1/4 finalın digər iki qarşılaşması bu gün keçiriləcək.