1/8 FİNAL CAVAB OYUNLARI : HAKİMLƏR ELAN OLUNDU . . .

Sabah Ölkə Kuboku uğrunda yarışların 1/8 final cavab qarşılaşmaları keçiriləcək. T.İsmayılov adına Suraxanı qəsəbə stadionunda "Qarabağ" Lənkəranın "Xəzər Lənkəran-2" komandasını qəbul edəcək. İlk oyun Lənkəranda 0:0 hesabı ilə başa çatdığından növbəti mərhələyə- 1/4 finala çıxacaq komanda sabahkı oyundan sonra müəyyənləşəcək. Aşkar favorit olan "Qarabağ" hər şeyi Lənkəranda həll etmək istəsə də, yağan yağış nəticəsində yararsız hala düşmüş meydança Lənkəranlıların məğlub olmasını əngəllədi. "Qarabağ" ilk oyunda edə bilmədiyini sabah Suraxanıda edərək, birinci dəstə təmsilşisinə "dərs" keçmək əzmindədir... Artıq AFFA matçın hakimlərini elan etmişdir: Matçı Azad Mütəllimov (Sumqayıt) idarə edəcək. Ona Vaqif Ayvazov (Bakı) və Nemət Mahmudov (Mingəçevir) kömək edəcəklər. Matçda dördüncü hakim Elvin Əsgərov (Bakı) olacaq. Oyunun hakim-inspektoru Azad Feyzullayev, AFFA nümayəndəsi isə Gündüz Cəfərovdur. Xatırladaq ki, bu cütün qalibi 1/4 finalda "Bakı"-"Olimpik" oyununun qalibi ilə qarşılaşacaq. İlk oyun bu cütdə də 0:0 hesabı ilə başa çatmışdır....