1/8 FİNAL HƏYƏCANI...

...BAŞLAYIR !
1 gün sonra Azərbaycan Kuboku uğrunda yarışın 1/8 final ilk görüşlərinə start veriləcək. Oyunun hazırlığını Qazaxda davam etdirən komandamızın rəqibi Tovuzun "Turan" komandası olacaq. 1/16 final mərhələsində İmişli təmsilçisi "MKT Araz" komandasını hər iki oyunda məğlub edən "Qarabağ" 1/4 finalı hədəfləyir. Hər şeyi ilk görüşdə həll etməyi düşünən komandamızda qapıçı Fərhad Vəliyevdən başqa bütün futbolçular meydana çıxmağa hazırdılar. Saat 16:00-da başlayacaq oyunun baş hakimi Feyzulla Feyzullayevdir.

1/8 finalın digər 7 görüşündən  4-ü də həmin saatda start götürəcək. Bərdədə yerli "ABN Bərdə" "Olimpik"i qəbul edəcək. "Xəzər Lənkəran" isə "Gənclərbirliyi"nin qonağı olacaq. Lənkəran Olimpiya İdman Kompleksinin stadionunda isə "Masallı" - "İnter" oyunu keçiriləcək."Neftçi" - "Abşeron" görüşü bir saat sonra start götürəcək. Qalan iki görüş: "Bakı" - "İnter-2" görüşü oktyabrın 25-i, "Standart" - "Karvan" oyunu isə oktyabrın 31-i keçiriləcək.

Komandamıza Tovuz səfərində uğurlar arzulayırıq...