1/8 FİNAL : QARŞILAŞACAQ CÜTLƏR

Dünya Çempionatında bütün qruplarda üçüncü tura yekun vuruldu. Beləliklə də, 1/8 finalda qarşılaşacaq cütlərə aydınlıq gəlib... "H" qrupunda İspaniya 1/8 finala vəsiqəni təmin etdiyindən Səudiyyə Ərəbistanı ilə oyunda rəqibə vurduğu 1 qolla kifayətlənib. Əsas diqqətlər isə Ukrayna və Tunis arasında keçirilən oyuna idi. Məhz bu oyundakı qələbə komandaları 1/8 finala vəsiqə verirdi. Bunu öhdəsindən isə Avropalılar gələ bilib. Şevçenkonun qolu Ukraynanı qrup ikincisi kimi növbəti mərhələyə çıxarıb. Bun klubların rəqiblər isə "G" qrupunda müəyyənləşib. Fransa Toqo millisi ilə oyundan 2:0 qələbə ilə ayrılaraq adını 1/8 finala yazıb. İsveçrə isə qrup lideri kimi növbəti mərhələdə Ukrayna ilə qarşılaşacaq. Beləliklə aşağıdakı cütlər növbəti mərhələdə üz-üzə gələcəklər: ALMANİYA - İSVEÇ İNGİLTƏRƏ - EKVADOR ARGENTİNA - MEKSİKA PORTUQALİYA - NİDERLAND İTALİYA - AVSTRALİYA BRAZİLİYA - QANA İSVEÇRƏ - UKRAYNA FRANSA - İSPANİYA