2 QOL QƏLƏBƏYƏ YETMƏDİ

Azərbaycanın 21 yaşlılardan ibarət millisi Avropa çempionatının seçmə mərhələsində Xorvatiya ilə qarşılaşıb. 3 gün öncə baş tutan matçda Yunanıstana doğma divarlar arasında 0:2 hesabıyla məğlub olmuşduq. Lakin, Xorvatlarala mübarizə daha gərgin alınıb. Baxmayaraq ki, millimiz ilk yarım saatda qapısında iki qol görüb. 34-cü dəqiqədə Asif Məmmədov Yosip Tadiç və İvo İlyeviçin vurduğu qolların birinin əvəzini çıxsada ilk hissədə Tomislav Buşiç hesabı 3:1-ə çatdırıb.

İkinci hissə komandamız üçün yaxşı başlayıb. 67-ci dəqiqədə Vüqar Nadirov vurduğu qolla  komandamızı ümidləndirib. Lakin, az sonra Namiq Yusifov ikinci dəfə sarı vərəqə alaraq komandasını çətinə salıb. Görüşün sonuna qədər hesab dəyişmədi və komandamız turnirdə 3-cü dəfə məğlub oldu. Növbəti oyun Oktyabrın 13-ündə Farer adalarına qarşı olacaq.

Turnir Cədvəli

1. İtaliya 3 3 0 0 7-1 9
2. Xorvatiya 4 3 0 1 8-5 9
3. Yunanıstan 3 2 0 1 8-4 6
4. Albaniya 4 2 0 2 2-5 6
5. Farer adaları 3 0 0 3 1-5 0
6. Azərbaycan 3 0 0 3 3-9 0