3 ildi qol buraxmırıq
24 Apr 2009
3 ildi qol buraxmırıq
Bazar günü çempionatda derbi baş tutacaq. Milli çempionatın iki ən qocaman komandası `Neftçi` - `Qarabağ` mübarizə aparacaq. Daim gərgin mübarizəyə, maraqlı mücadiləyə səbəb olan derbi bu dəfə də az maraq doğurmur. Komandamız bazar günü Tofiq Bəhramov adına stadionunda qarşılaşacağı əbədi rəqibinə qarşı uğurlu oynayır. Belə ki, komandamız sonuncu dəfə mərkəzi arenada `ağ-qara`lara 2005-2006 mövsümünün ikinci yarısının ilk matçında məğlub olub. Həmin oyundan sonra baş tutan 4 görüşün 3-ü qolsuzluqla başa çatıb. Digər matçda isə 2006-2007 mövsümündə kubok mücadiləsində 1:0 qələbə qazanmışıq. Göründüyü kimi, komandamız 3 ildi mərkəzi arenada əsas rəqibinə yenilməməklə yanaşı, qol da buraxmır.