5 ALMAN MƏŞQÇİ BAKIDA
14 Fev 2008
5 ALMAN MƏŞQÇİ BAKIDA
Ölkəmizdə uşaq futbolunun inkişafı məqsədilə Respublika Prezidenti cənab İlham Əliyevin imzaladığı "Azərbaycan Respublikasında 2005-2015-ci illərdə futbolun inkişafına dair Dövlət Proqramı"na uyğun olaraq, AFFA tərəfindən bir sıra layihələr həyata keçirilir. İcraiyyə Komitəsinin qərarına əsasən, Premyer Liqada çıxış edən komandaların nəzdindəki uşaq komandalarına AFFA-nın maddi vəsaiti hesabına əcnəbi məşqçilər dəvət edilib. Onların 5-nin adı artıq məlumdur. Assosasiya tərəfindən Almaniyadan dəvət edilən Oliver Pelzer, Nikolay Adam, Gunter Zittel, Tomas Flat, Tomas Roy martın əvvəlindən sonunadək Premyer Liqada çıxış edən "Xəzər-Lənkəran", "Neftçi", "İnter", "Bakı", "Olimpik" klublarının uşaq komandalarında məşqlər keçirəcək, istedadlı gənclərin üzə çıxarılması üçün səylər göstərəcəklər. Həmin məşqçilərin bütün xərcləri ölkənin ali futbol qurumu tərəfindən ödəniləcək.