5 qollu qələbə

“Qarabağ” – “Kəpəz” - 5:1

Aleksey Kaşuk (3), Emmanuel Addai (1), Davud Məsumov (1) - Ehtiram Şahverdiyev (1)

Mövsümün ikinci yarısına Bakıda hazırlaşan komandamız təlim-məşq toplanışı çərçivəsində ilk yoxlama oyununu keçirib. Qurban Qurbanovun yetirmələri “Kəpəz”lə qarşılaşıb.

Komandamız meydana aşağıdakı “11-lik”lə çıxıb: 99. Mateuş Koxalski, 30. Abbas Hüseynov, 2. Mateus Silva, 81. Kevin Medina, 27. Toral Bayramov, 6. Julio Romao, 8. Marko Yankoviç, 15. Leandro Andrade, 21. Aleksey Kaşuk, 11. Emmanuel Addai, 90. Nəriman Axundzadə.

“Azersun Arena”da təşkil olunan matça futbolçularımız sürətli başlanğıc ediblər. Ardıcıl hücumlar birinci hissədə 4 qolun vurulmasına səbəb olub. Aleksey Kaşuk fasiləyə qədər het-trikə imza atıb. Digər qolun müəllifi Emmanuel Addai olub.

İkinci hissə qarşılıqlı hücumlarla keçib. Əvvəlcə Davud Məsumov komandamızın 5-ci qolunu vurub. Rəqib isə bu qollardan yalnız birinin əvəzini çıxa bilib.

Qeyd edək ki, komandamız toplanış çərçivəsində yanvarın 12-də “Zirə” ilə ikinci yoxlama görüşü keçirəcək.