8 futbolçu ilə

`Qarabağ`ımızın hazırlıqları davam edir. Həftəsonu `Olimpik`lə qarşılaşacaq komandamız gündə 2 dəfə olmaqla məşqlər keçir.  Əksəriyyəti Suraxanı qəsəbə stadionunda baş tutan çalışmalarda komandamız milli futbolçulardan əskik məşq edir. Məlum olduğu kimi millimizin beynəlxalq turnirdə iştirak etməsi `Qarabağ`ımızın 8 futbolçusunun  - Fərhad Vəliyev, Rəşad Sadiqov, Maksim Medvedev, Elnur Allahverdiyev, Vüqar Nadirov, Elvin Məmmədov,  Vaqif Cavadovla yanaşı zədəli Rəşad Sadıqovun da  Birləşmiş Ərəb Əmirliklərinə yollanmasına səbəb olub. Eyni zamanda Əfran İamayılov, Natiq Kərimi, Emin Mustafayev, Fərrux Rəhimov U-21-in düşərgəsindədir. Qara Qarayevlə Tural İsgəndərov isə `Bavariya`nın düşərgəsindədir. Beləliklə, hal-hazırda düşərgədə olan futbolçularımız Aslan Kərimov, Sahil Kərimov, Zaur Həşimov, Admir Teli, Aftandil Hacıyev, Ayxan Abbasov, Emin İmaməliyev və Rauf Əliyevdir.Hal-hazırda komandamızda məşq etməkdən ötrü əvəzedici heyətdən bir neçə futbolçu dəvət olunub.