8 MİLYONUN GÜCÜ: 6:0 !

Azərbaycan Millisi növbəti sınaqdan üzü ağ çıxa bilmədi. Belə ki, Ukrayna Millisinə qarşı oyunda yığmamız qapı qorundan altı top çıxarmağa məcbur oldu... Oyunun 3-cü dəqiqəsində Andrey Voroninlə başlayan qol yağışı Aleksey Belikin altıncı qolu ilə yekunlaşdı. Buna qədər isə Sergey Nazarenko, Ruslan Rotan, Oleq Qusev və Andrey Vorobey də fərqlənə bilmişdi. Oyundan öncə, Dünya Çempionatında ən güclü 8-lik arasına düşdüyünə görə 8 milyon avro ilə mükafatlandırılan futbolçular rəhbərliyə özünə məxsus cavab hədiyyəsini altı qola etdilər. Qurban isə təəssüf ki Azərbaycan Millisi oldu...