ABN "BƏRDƏ" - "QARABAĞ"... HESAB 0:3

Bu Azərbaycan Çempionatının 18-ci turu çərçivəsində ABN "Bərdə" "Qarabağ" öz meydanında qəbul edəcək. Artıq komandalar meydana çıxmağa hazırdırlar. Start heyəti aşağıdakı kimidir:

ABN "BƏRDƏ" - Xəyal Zeynalov, Azər Bağırov, Samir Paşayev, Eldəniz Orucov, Sənan Qurbanov, Ruslan Rüstəmov, İlqar Hüseynov, Ruslan Hüseynov, Ramin Məmmədov, Samir Mütəllimov, Samir Babayev

"QARABAĞ" - Fərhad Vəliyev, Mamadouba Soumah, Nodar Məmmədov, Azər Məmmədov, Maksim Medvedev, Ayxan Abbasov, Aslan Kərimov, Murad Ağakişiyev, Viktor İqbekoye, Kənan Kərimov, Vaqif Cavadov

1-ci dəqiqə - Oyuna ABN "Bərdə" başladı

3-cü dəqiqə - Oyun meydanın mərkəzində davam edir

5-ci dəqiqə - Tərəflər meydanın mərkəzini ələ keçirmək uğrunda mübarizə aparırlar

8-ci dəqiqə - QOOOOOOOOOOOOOOOOOOOOOOOLLLLLLLL!!! Sol cinahdan Kənanın ötürməsindən sonra rəqib qapısı qarşısında yaranan qarışıqlıqdan istifadə edən Murad Ağakişiyev topu tora göndərdi. 0:1

10-cu dəqiqə - "Qarabağ" əks hücum təşkil etməyə çalışır.  Rəqib müdafiəçilər Viktordan daha cəld tərpənirlər

11-ci dəqiqə - Daha bir əks hücum. Bu dəfə Viktor Vaqif Cavadovun ötürməsinə yetişə bilmir

13-cü dəqiqə - Muradın mükəmməl ötürməsindən sonra Vaqif topu qapıya vursa da qapıçı topu qaytara bilir

15-ci dəqiqə - QOOOOOOOOOOOOOOOOLLLLLLLLLLLL!!! Viktor topu qapıya tərəf vurur. Top yerə dəyərək qapı xəttini keçir

17-ci dəqiqə - Görüşdə ilk ofsayt vəziyyətinə düşən Kənan Kərimov olur

21-ci dəqiqə - QOOOOOOOOOOOOLLLLLLLLLLLLLLLLLLL!!! Viktorun ötürməsini Kənan Kərimov qola çevirir. Hesab 0:3

25-ci dəqiqə - Vaqif Cavadov qapıçı ilə təkbətək qalsa da fürsətdən istifadə edə bilmir

26-cı dəqiqə - İlqar Hüseynovun vurduğu zərbə qapının yanından keçir

30-cu dəqiqə - "Bərdə" hücum təşkil etməyə çalışır

31-ci dəqiqə - ABN "Bərdə"nin ilk təhlükəli hücumu. Ramin Məmmədovun cərimə meydançası daxilindən qapıya vurduğu zərbəni Fərhad çətinlik çəkmədən dəf edir

32-ci dəqiqə - Əks hücum zamanı Vaqifin ötürməsindən sonra Muradın vurduğu top dirəkdən geri dönür

33-cü dəqiqə - ABN "Bərdə"nin heyətində ilk oyunçu dəyişikliyi. Samir Paşayevi Pərvin Mədətov əvəz edir

34-cü dəqiqə - Daha bir dəyişiklik. Ramin Məmmədov meydanı tərk edir. Onu Anar Qasımov əvəz edir 

41-ci dəqiqə - Oyunda ilk sarı vərəqə. Viktor İqbekoye sarı vərəqə ilə cəzalanır

43-cü dəqiqə - Sənan Qurbanovun baş zərbəsi dəqiq alınmır

44-cü dəqiqə - Eldəniz Orucovun vurduğu topu Fərhad Vəliyev mükəmməl reaksiya göstərərək ram edir 

45-ci dəqiqə - Hakim ilk yarının vaxtına 1 dəqiqə əlavə edir

46-cı dəqiqə - İlk yarı başa çatdı. Hesab 0:3

DİGƏR OYUNLARIN NƏTİCƏSİ:

"Masallı" - "Bakı" 1:0

"Gənclərbirliyi" - "Karvan" 1:0

47-ci dəqiqə - "Qarabağ"ın heyətində ilk dəyişiklik. Maksim Medvedevin yerinə meydana Zaur Həşimov daxil olur

47-ci dəqiqə - İkinci yarıda ilk real qol vəziyyəti. Azər Məmmədovun ötürməsindən sonra Kənan Kərimovun baş zərbəsi qapıdan azacıq aralı keçir

50-ci dəqiqə - Hesab dəyişməz olaraq qalır. 0:3

53-cü dəqiqə - "Qarabağ"ın heyətində növbəti dəyişiklik. Kənan Kərimovu Qoqa Beraya əvəz edəcək

60-cı dəqiqə - Hesab 0:3

63-cü dəqiqə - Sənan Qurbanov sol cinahdan ötürülmüş topa dəqiq zərbə endirə bilmir

64-cü dəqiqə - Oyunda daha bir sarı vərəqə. Bu dəfə sarı vərəqə ilə cəzalanan rəqib komandanın 24 nömrəli futbolçusu Samir Babayev olur

68-ci dəqiqə - Oyun meydanın mərkəzində davam edir

71-ci dəqiqə - Əks hücum zamanı Qoqa Vaqifi əlverişli mövqeyə çıxarsa da gənc forvard topu gecikdirir

72-ci dəqiqə - Daha bir sarı vərəqə. Eldəniz Orucov sarı vərəqə ilə cəzalanır

75-ci dəqiqə - Tərəflər meydanın mərkəzində mübarizə aparır

78-ci dəqiqə - "Qarabağ"ın heyətində sonuncu dəyişiklik. Komandanın kapitanı Aslan Kərimov öz yerini İsaak Pupoya verir

79-cu dəqiqə - ABN"Bərdə"nin növbəti təhlükəli zərbəsi. Fərhad bu dəfə də dəqiq oynayır

83-cü dəqiqə - "Qarabağ" 4-cü qola çox yaxın idi. Lakin Murad Ağakişiyevin ötürməsinə heç kim çata bilmir 

87-ci dəqiqə - Viktor cərimə meydançasına daxil olsa da rəqib müdafiəçilər hücumun qarşısını alırlar

87-ci dəqiqə - Puponun küncdən ötürdüyü topa Zaur zərbə endirsə də top qapının üstündən keçir

88-ci dəqiqə - Fərhad yenə də yerindədir. Sənan Qurbanovun yaxın məsafədən vurduğu topu qapıçımız çətinlik çəkmədən dəf edir

89-cu dəqiqə - Hakim oyunun vaxtına 1 dəqiqə əlavə etdi

90-cı dəqiqə - Oyun bitti. Hesab 0:3