“ABN-BƏRDƏ”Nİ BAKIXANOVDA QƏBUL EDƏCƏYİK

Çempionatda 4 tur arxada qalsa da “Qarabağ” Futbol Klubu cəmi bir dəfə “ev” oyunlarını keçirdiyi Suraxanı qəsəbə stadionunda rəqibini qəbul edə bilib. Bu gedişlə Suraxanı stadionunun azarkeşlərə qucaq açması bir qədər də gecikə bilər. Amma söhbət heç də səfər matçı oynacağımız mənasına gəlmir. Belə ki, Tofiq İsmayılov adına stadionun ot örtüyü yararsız olduğu üçün hələlik təmirə bağlanıb. Bərdə klubunu Bakıxanov qəsəbəsindəki İsmət Qayıbov adına stadionda qəbul edəcəyik. Böyük ehtimalla, 7-ci turda qarşılaşacağımız “Gənclərbirliyi”ni də adı çəkilən stadionda qəbul edəcəyik.