ADRİANONUN YUBİLEY QOLU: ALMANİYA 2 - 3 BRAZİLİYA

Bu matç Almaniya Millisi üçün həm də revanş matçı olmalıydı. Çünki, hələ 30 iyun 2002-ci ildə Dünya Çempionatının Finalında 2:0 hesabı ilə Cənubi Amerika təmsilçisi qalib gəlmişdi. Lakin o matçın qəhrəmanı Ronaldo bu matçda yox idi. Əvəzində ilə, cavan Alman millisi qrup yarışlarındakı matçlardan göstərdi ki, bir il sonra dünya çempionatında əsas fovoritlərdən biri məhz onlar olacaq... ...Matçın əvvəli qarşılıqlı hücumlarla başladı. Əvvəl Ballak, bir qədər sonra isə Ronaldinyo fərqlənə bilmədi. Əvəzində Adrianonun cərimə zərbəsi tarixə yazıldı. belə ki, vurulmuş qol Konfederasiya Kuboku tarixində bu qol 250-ci oldu. Amma Alman Millisinin cavabı da özünü çox gözlətmədi. Dayslerin asmasını Şnayder mükəmməl zərbə ilə tamamladı. 1-ci hissə, hakimin hər iki komandanın qapısına 11-metrlik cərimə zərbəsi təyin etməsi ilə tamamlandı. Hər iki Millinin hücumçusu dəqiq oldular. İkinci hissə daha maraqlı alındı. Amma cavan Alman Millisinə qarşı Braziliyanın səviyyə üstünlüyü özünü göstərdi. Daha bir dəfə fərqlənən Braziliya Millisi ilk finalçı oldu...