ADVOKAATIN YERİNƏ BATİSTUTA?

  Avstraliya Futbol Federasiyası (AFF) Dik Advokaatdan FİFA-nın mübahisəli məsələlərin həlli üzrə palatasına şikayət edib. AFF məmurları yaxında “Zenit”i Rusiya çempionluğuna daşıyan holland məşqçinin onlarla prinsipial razılığa gəlsə də, Sankt-Peterburq klubuyla müqaviləsini yeniləməsindən narazıdır. Tərəflər bir neçə gün əvvəl AFF-yə çatacaq kompensasiyanın məbləği ilə bağlı müzakirələr aparmışdı. Görünür “Zenit”in təklifi avstraliyalıları qane etməyib.

    Yerli “Sandi Herald Sand” nəşrinə görə AFF məmurları artıq yeni çalışdırıcının axtarışına başlayıb. Maraqlıdır ki, onların anlaşa biləcəyi şəxslər arasında məşqçi təcrübəsi olmayan Qabriel Batistutanın da adı hallanır. Argentina millisinin hazırda 38 yaşı olan sabiq hücumçusu təklif alacağı halda məmnuniyyətlə qəbul edəcəyini gizlətmir.