Alispahiç 5-ci oldu

Muğan Futbol Klubunun baş məşqçisi Kemal Alispahiç klub rəhbərliyi tərəfindən istefaya göndərilib. Komandanın ardıcıl olaraq məğlub olmasına və baş məşqçiyə onun rəhbərliyi altında komandanın müsbət nəticələr əldə etməsi üçün kifayət qədər vaxt və şans verilməsinə baxmayaraq o, etimadları doğrulda bilməyib.

Xatırladaq ki, Kemal Alispahiç Muğan komandasında baş məşqçilik postuna 2009-cu ilin yayında keçmişdi və 5 aya qədər müddət idi ki, komandanı çalışdırırdı.

Onun əvəzinə baş məşqçilik postuna yardımçı məşqçi Almir Hurtiç təyin olunmuşdur.

Almir Hurtiç 1971-ci ildə Bosnyada anadan olub və uzun müddət Bosnyada məşqçilik fəaliyyəti ilə məşğul olmuşdur. Bosnyalı mütəxəssis artıq 5 aya qədər müddətdir ki, Muğan Futbol Klubunda yardımçı məşqçi vəzifəsində çalışır. Qeyd edək ki,Muğan komandası bazar günü Simurq komandası ilə keçiriləcək matça Almir Hurtiçin başçılığı altında çıxacaq.

Nəzərinizə çatdıraq ki, Alispahiçə qədər `Bakı`, `Standard`, `Neftçi` və `Olimpik-Şüvəlanda` baş məşqçi dəyişiklikləri baş vermişdi.