"ALMANİYA FAVORİTLƏRDƏN DEYİL"
23 Yan 2008
"ALMANİYA FAVORİTLƏRDƏN DEYİL"
Almaniya yığmasının və "Çelsi"nin yarımmüdafiəçisi Mixael Ballak öz millisini yayda İsveçrə-Avstriyada keçirililəcək Avropa çempionatının favoritləri sırasında görmür. Almanların kapitanının fikrincə çempion olmağa ən real namizədlər son dünya çempionatının finalına qədər irəliləmiş İtaliya və Fransa yığmalarıdır:"Biz seçmə mərhələni yüksək səviyyədə keçirdik. Demək olar ki, final mərhələsinə vəsiqə qazanmaq bizə asan başa gəldi. Belədə də, azarkeşlər bizdən daha böyük uğurlar gözləyirlər. Turnirin başlanmasına xeyli vaxt qaldığından proqnoz vermək mümkün deyil.Sadəcə onu bildirmək istəyirəm ki, biz həmin çempionatın favoritləri sırasında deyilik. Mənim fikrimcə, İtaliya, Fransa yenə çempionluğa əsas namizədlərdir. İspaniya və Portuqaliyanın şansı isə bizimki qədərdir".