Andradenin komandası 1/8 finalda

“Qarabağ”ın futbolçusu Patrik Andradenin şərəfini qoruduğu Kabo-Verde yığması Afrika Millətlər Kubokunda 1/8 finala yüksəlib. Buna Fil Dişi Sahilində keçirilən qitə çempionatının qrup mərhələsində ikinci qələbə səbəb olub.

İlk turda Qanaya 2:1 hesabı ilə qalib gələn Kabo-Verde ardınca Mozambiki böyükhesablı məğlubiyyətə uğradıb – 3:0. Altı xalla B qrupunda birinciliyi təmin edən yığma 1/8 finala adlayıb.

Qeyd edək ki, yanvarın 22-də keçiriləcək son turda Andradenin komandası Misirlə qarşılaşacaq.