ANRİ “BARSELONA”DA

Bəli, deyəsən axır ki, “Barselona” arzusuna çatdı. Uzun müddətdi adı katalonlarla birgə çəkilən Fransız  ulduz Tyerri Anri “Barsa” ilə müqavilə bağladığı xəbəri yayılıb. Xatırladaq ki, 8 ildi “Arsenal”ın şərəfini qoruyan 29 yaşlı superforvard London klubunun rəmzinə çevrilib. Lakin “topçular”ın Avropada uğur qazana bilməməsi Anrinin daha iddialı kluba keçmək istəməsinə səbəb olmuşdu. Düzdü, hər il belə söz-zöhbətlər yaransa da, Anri bütün rekordlarını qırdığı “Arsenal”da qalmağa üstünlük vermişdi. Cari dönəmdə də, eyni tipli söz-söhbətlər yayılsa da Anri deyilənləri təkzib etmişdi. Amma deyəsən, Anrinin çox sevdiyi “Arsenal”ın vitse-prezidenti Devid Deynin vəzifədən getməsi fransıza pis təsir edib. Yayılan xəbərlərə inanasaq, Anri katalonlarla 4 illik müqaviləyə qol çəkəcək. “Barsa”nın “Arsenal”ın hesabına 24 milyon avro köçürəcəyi bildirilsə də, Anrinini nə qədər qazanacağı haqda məlumar verilməyib.