Antalya III gün. İlk legioner

`Qarabağ` Futbol Klubunun Antalyada çempionluq mücadiləsi üçün  təlim-məşq toplanışı davam edir. Bu yöndə çalışmalarını davam etdirən komandamız qışda Rəşad Sadiqov və Elnur Allahverdiyev kimi istedadlı futbolçuları transfer etməklə sıralarımızı gücləndirmişdi. Daha 2 transfer etməyi planlaşdıran komandamız legionerlərə üstünlük verəcək. Kəmiyyətə deyil, keyfiyyətə üstünlük verəcək komandamız bu məsələdə diqqətli davranmağa çalışır. Artıq komandamızın düşərgəsinə  bir əcnəbi qoşulub. Arturs Siqralis Latviya vətəndaşıdır. Ölkəsinin U-21 milllisinin formasını mütəmadi olaraq geyinən futbolçu ampulaca müdafiəçidir. Ölkəsinin ən perspektivli futbolçularından sayılır. Nəzərinizə çatdıraq ki, bir müddət öncə baş tutan Azərbaycan – Latviya görüşündə Arturs iştirak etməyib. Səbəb isə adı çəkilən müdafiəçinin Moskva CSKA-sında baxışda olmasıdır.