Antalya IV gün. Ilk rəqib

`Qarabağ` Futbol Klubunun Antalyada çempionluq mücadiləsi üçün  təlim-məşq toplanışı davam edir. Artıq 4 gündü əzmlə çalışan komandamızın yoldaşlıq oyunlarının taleyinə aydınlıq gəlir. İlk sınaqçı-rəqib də bəllidir. Ötən mövsüm Albaniya çempionatında bürünc medallara sahib çıxmış `Besa`yla Yanvarın 19-u qarşılaşacağıq. Oyunun saat 5-də məskunlaşdığımız `Santai İC` otelinin  sahəsində keçirilməsi  planlaşdırılır. `Besa` komandamız üçün elə də yad deyil. Belə ki, komandamızın 2 üzvü Artim Şakiri və Zəkəriyya Ramazani yayda komadamıza məhz adı çəkilən klubdan transfer olunub. Qey edək ki, albanlar `İntertoto` kubokunda 2 mərhələ keçməyə nail olmuş və `Qrasshopers`ə məğlub olaraq çıxışını dayandırmışdı. Hər iki futbolçumuz həmin oyunlarda meydana çıxmışdı.