Antalya VII gün. Ilk yoxlama oyunu

`Qarabağ` Futbol Klubunun Antalyada çempionluq mücadiləsi üçün  təlim-məşq toplanışı davam edir. Komandamız qardaş ölkədə ilk hazırlıq matçına çıxıb. Albaniya təmsilçisi `Besa`ya qarşı komandamız 2 fərqli 11-lə mübarizə apardı. İlk 45 dəqiqədə meydanda olanlar: Fərhad Vəliyev, Maksim Medvedev, Aftandil Hacıyev, Azər Məmmədov, Zekeriyya Ramazan, Aslan Kərimov, Rəşad Sadiqov, Vaqif Cavadov, Sadat Saini, Artim Şakiri, Zaur Ramazanov.

İkinci hissədəki heyət: Sahil Kərimov (Osman Umarov), Zaur Həşimov, Admir Teli, Arturs Siqralis, Elnur Allahverdiyev, Qara Qarayev (Emin İmaməliyev), Namiq Yusifov, Ahmed Bilal, Rauf Əliyev, Əfran İsmayılov, Nidal Fərhatoviç.

Görüş qarşılıqlı hücumlarla başladı. Qapılara ilk zərbə 5-ci dəqiqə Kuli tərəfindən vurulsa da Fərahd dəqiq oynadı. Getdikcə təşəbbüsü ələ alsaq da qapı qarşısında real qol vəziyyəti yaratmaq mümkün olmurdu. İlk yarının sonlarına yaxın rəqibi təmamilə qapısına sıxsaq da, gözlənilmədən qol buraxdıq. Halidi cərimə meydaçasının üzərindən qapıya dəqiq zərbə endirəndə dəqiqələr 44-ü göstərirdi.

İkinci yarıda da oyunun ssenarisi dəyişmədi. Mərkəzdə mübarizə və maraqlı futbol sonunda hesab dəyişmədi və komandamız ilk yoxlama görüşündə minimal hesabla məğlub oldu.

Oyundan maraqlı anlar - FOTOQALEREYA bölümündə: 

Besa(Albaniya) - Qarabağ(Azərbaycan)