Antalya XV gün. İstirahət və ziyarət...

`Qarabağ` Futbol Klubunun Antalyada çempionluq mücadiləsi üçün  təlim-məşq toplanışı davam edir. Hazırlığın 15-cü günündə komandamızın texniki korpusu futbolçulara istirahət verib. Amma, müəyyən qədər məşq əskikliyi olan Zaur Ramazanov, Elnur Allahverdiyev, Emin İmaməliyev, Tagim Novruzov, Natiq Kərimi, eyni zamanda Aslan Kərimov və Maksim Medvedev fitnes salonunda məşqçi nəzarəti altında çalışıblar. Belədə, istirahət hüququndan yararlanan digər  futbolçular oteldən 40 kilometr aralıda yerləşən şəhər mərkəzini ziyarətə gediblər.  

Bu gün eyni zamanda 2 futbolçu sıralarımızı tərk edib. Əsas milliyə çağrılan Fərhad Vəliyev və Vaqif Cavadov bu gün səhər Bakıya yola düşüblər. Adı çəkilən futbolçularımız sabah millinin heyətinə Birləşmiş Ərəb Əmirliklərinə yola düşəcəklər.