Antalya XV gün. `Kuban` və başqaları...

`Qarabağ` Futbol Klubunun Antalyada çempionluq mücadiləsi üçün  təlim-məşq toplanışı davam edir. Bu gün istirahət edən komandamızın növbəti sınaqçı-rəqiblərinin taleyinə aydınlıq gəlib. Fevralın 3-ü Rusiya təmsilçisi `Kuban`la qarşılaşmamız dəqiqləşib. Yanvarın 31-i isə Ukrayna təmsilçisi `Zarya`yla mücadiləmiz planlaşdırılıb. Komandamızın baş məşqçisi Qurban Qurbanovu dinləyək:` Bildiyiniz kimi, premyerliqadakı klubların əksəriyyəti köhnə sovet məktəbi fəlsəfəsindən istifadə edir. Yəni, daha çox sabiq mütəffiq ölkələrdən olan futbolçulara üstünlük verir. Biz də bu səbəbdən dolayı həmin oyun üslubuna malik komandalarla oynamağa üstünlük veririk. Bu futbol isə atletik, sərt, fiziki futbola əsaslanır.`