Antalya, XX gün. Matç vaxtı dəyişdirildi...

`Qarabağ` Futbol Klubunun Antalyada çempionluq mücadiləsi üçün  təlim-məşq toplanışı davam edir. Xəbər verdiyimiz kimi, bu gün saat 11-də Ukrayna `Zarya`sıyla qarşılaşmalıydıq. Matç baş tutacaq, amma başqa saatda. Belə ki, dünən axşam Ukrayna klubunun rəhbərliyi oyun vaxtının saat 17:00-a keçirilməsini xahiş edib. Belə də, bu gün səhər də komandamız məşqə çıxıb. Lakin, məşq elə də uzun çəkməyib. Təxminən, 1 saat çəkən məşqdə `kvadrat` oynayan futbolçularımız sonda qapıya zərbələr endiriblər.
Oyunun bütün təfsillatıyla matç başa çatdıqdan dərhal sonra saytımızdan izləyə biləcəksiniz.