AQİL "NEFTÇİ"DƏ XİLASKARA ÇEVRİLDİ....

Qollar: Aqil Məmmədov, 20, Tomislav Mişura 90+1. Azərbaycan çempionu "Neftçi" PFK ilk imtahandan uğurla çıxdı. Çempion heyətin bir neçə oyunçusunu itirməsinə baxmayaraq, toparlana bilən Ağasəlim Mircavadovun yetirmələri İslandiya çempionuna dərs keçdilər. Özü də eks "Qarabağ"lının ifasında... ...İlk dəqiqələr "Neftçi"nın bir neçə dalbadal qol imkanları ilə yadda qalsa da, hesabın açılmaması həm futbolçuları, həm də azarkeşləri bir qədər həyəcanladırırdı. Bu zaman təcrübəli futbolçu, Eks "Qarabağ"lı Aqil Məmmədov bu sindromu qıra bildi.Matçın 20-ci dəqiqəsində 16-17 metrlik məsafədən heç kimin gözləmədiyi mövqedən zərbə rəqib torunu silkələdi... Bir qolun sürüşkən hesab olduğunu bilən məşqçi Ağasəlim Mircavadov 60-cı dəqiqədə dəyişikliyə əl atdı. Və bu dəyişiklik demək olar ki, "Neftçi"ni növbəti mərhəyə çıxardı. Hələ Milli çempiontımızda ikinci hissədə meydana çıxaraq, əksər zamanlarda xilaskar rolu oynayan Mişura son dəqiqədə Zaur Tağızadənin mükəmməl ötürməsini qola çevirdi. 2:0 və "Neftçi" İslandiyaya böyük üstünlüklə yollanır... ..."Qarabağ" Futbol Klubu olaraq, biz "Neftçi" PFK-nu səmimi qəlbdən təbrik edir, onlara cavab qarşılaşmasında da uğurlar arzulayırıq.