“Araz-Naxçıvan”la 8-ci duel

Bu həftə Misli Premyer Liqasında 2023/24 mövsümünə yekun vurulacaq. “Qarabağ” XXXVI turun son oyun günündə “Araz-Naxçıvan”la qarşılaşacaq.

Qurban Qurbanovun yetirmələri səfər görüşünü “Azersun Arena”da keçirəcək. Bu matç komandalar arasında Premyer Liqadakı 8-ci duel olacaq. Rəqiblər ilk dəfə 2000-ci ildə üz-üzə gəliblər.

Əvvəlki qarşılaşmalarda komandamız 4 qələbə qazanıb. Üç matçda isə rəqib qalib gəlib. Əvvəlki qarşılaşmalarda heç-heçə qeydə alınmayıb.

Top fərqində üstünlük “Qaraabğ”ın tərəfindədir. Komandamız 13 qol vurub, 9-nu buraxıb. Ağdam klubu indiyədək keçirilən görüşlərin hamısında qol sevinci yaşayıb.

Qeyd edək ki, “Araz-Naxçıvan” – “Qarabağ” oyunu mayın 26-da “Azersun Arena"da keçiriləcək. Matç saat 19:30-da başlayacaq.

05.08.2000. Qarabağ - Araz - 1:0

10.05.2001. Araz - Qarabağ - 2:1

14.10.2001. Araz - Qarabağ-Azərsun - 3:2

23.12.2001. Qarabağ-Azərsun - Araz - 3:0

20.08.2023. Qarabağ – Araz-Naxçıvan - 2:1

30.10.2023. Araz-Naxçıvan - Qarabağ - 2:1

23.01.2024. Qarabağ – Araz-Naxçıvan - 3:1