Ardıcıl 8-ci qələbə

“Qarabağ” – “Araz-Naxçıvan” – 3:1

23 yanvar 2024. Saat 19:00. Tofiq Bəhramov adına Respublika Stadionu, 600 tamaşaçı

Baş hakim: Rauf Allahverdiyev

Baş hakimin köməkçiləri: Namiq Hüseynov, Pərvin Talıbov

Dördüncü hakim: Kamran Əliyev

VAR: İnqilab Məmmədov

AVAR: Nicat İsmayıllı

Hakim-inspektor: Barış Şimşek

AFFA nümayəndəsi: Məmmədəli Məmmədov

Sarı vərəqələr: Julio Romao, 68 (qeyri-idman hərəkəti) // Miço Kuzmanoviç, 27 (qeyri-idman hərəkəti); Abdulla Rzayev, 74 (qeyri-idman hərəkəti)

Qollar: Numan Kurdiç, 6 (ö.q.); Abdullah Zubir, 22, 62 // Kadiri Mohammed, 71

Artırılan vaxt: I hissədə 1 dəq; II hissədə 5 dəq.

 

“Qarabağ” 2024-cü ildə ilk oyununu keçirib. Komandamız Misli Premyer Liqasında mövsümün ikinci yarısında birinci matçına çıxıb. Qurban Qurbanovun yetirmələri XIX turun son görüşündə “Araz-Naxçıvan”la qarşılaşıb.

 

Matç Tofiq Bəhramov adına Respublika stadionunda baş tutub. Oyun “Qarabağ”ın hücumları ilə başlayıb. İlk dəqiqələrdən üstünlüyü ələ alan komandamız erkən qolla hesabı açıb.

 

Rəqib futbolçu Numan Kurdiç avtoqol müəllifi olub. Hesabı açdıqdan sonra da hücumlarını davam etdirən Ağdam klubu hissənin ortalarında daha bir dəfə fərqlənib. Abdullah Zubir qonaqların qapısına yol tapıb.

 

Rəqib oyunda dönüş yaratmağa çalışsa da, komandamız üstünlüyü əldən verməyib. Çoxsaylı qol imkanları yaradan “Qarabağ” fasiləyədək fərqi artıra bilməyib.

 

İkinci hissə də eyni ssenari ilə keçib. “Qarabağ” üstünlüyə malik olub və ardıcıl hücumlar təşkil edib. “Araz-Naxçıvan” isə oyunun axarını dəyişməyə çalışıb. Hesab 61-ci dəqiqədə dəyişib. Abdullah Zubir fərqi üç topa çatdırıb. O, dubl müəllifi olub.

 

Bu qoldan sonra qonaqlar da fəallığı artırıblar. Nəticədə rəqib qollardan birinin əvəzini çıxa bilib. Matçın sonluğu qarşılıqlı hücumlarla keçsə də, hesab dəyişməz qalıb. Beləliklə, “Qarabağ” ev matçında 3:1 hesablı qələbə qazanıb. Bu, Qurbanovun yetirmələrinin ardıcıl 8-ci qalibiyyəti olub.

 

Qeyd edək ki, komandamız XX turun oyununa yanvarın 27-də çıxacaq. “Qarabağ” Qəbələdə “Kəpəz”in qonağı olacaq. Matç saat 15:00-da başlayacaq.

 

“Qarabağ”

99. Andrey Lunyov

55. Bədavi Hüseynov (k)

24. Aleksey İsayev

13. Bəhlul Mustafazadə

44. Elvin Cəfərquliyev

10. Abdullah Zubir

(17. Hamidu Keyta, 75)

7. Yassin Benzia

(20. Riçard Almeyda, 83)

18. Olavio Juninyo

(19. Redon Cica, 75)

2. Mateus Silva

(29. Marko Veşoviç, 83)

6. Julio Romao

15. Leandro Andrade

(27. Toral Bayramov, 75)

 

Ehtiyat oyunçular:

 

23. Luka Quqeşaşvili

89. Amin Ramazanov

5. Maksim Medvedev

30. Abbas Hüseynov

90. Nəriman Axundzadə

11. Adama Diakabi

 

Baş məşqçi: Qurban Qurbanov

 

“Araz-Naxçıvan”

12. Kristian Avram

6. Vadim Abdullayev

39. Tural Bayramlı

(11. Ramin Nəsirli, 87)

3. Turan Manafov

2. Abdulla Rzayev

9. Elvis Maşike

(10. Orxan Əliyev, 62)

23. Nuno Rodriqes

(17. İldar Alekperov, 72)

42. Kadiri Mohammed

(19. Aksel Nqando, 72)

14. Miço Kuzmanoviç

(7. Nicat Süleymanov, 62)

4. İqor Ribeyro

27. Numan Kurdiç (k)

 

Ehtiyat oyunçular:

 

91. Semir Bukviç

1. Vüsal Şabanov

22. Elçin Mustafayev

55. Zamiq Əliyev

88. Tuqay Əlizadə

13. Mirəli Əhmədov

 

Baş məşqçi: Azər Bağırov