Asif Əsgərov "Tərəqqi" medalına layiq görüldü

Prezident İlham Əliyev Azərbaycan Respublikası idmançılarının və idman mütəxəssislərinin təltif edilməsi haqqında Sərəncam imzalayıb. "Qarabağ" Futbol Klubunun İdarə Heyətinin üzvü Asif Əsgərov "Tərəqqi" medalına layiq görülüb.

Avropa Klublar Assosiasiyasının İdarə Heyətinin də üzvü olan funksioner Azərbaycanda idmanın inkişafında, klublararası beynəlxalq əlaqələrin yaradılması və inkişaf etdirilməsində göstərdiyi xidmətlərə, ölkəmizi Avropada uğurla təmsil etməsinə görə bu medalla təltif edilib.

Qeyd edək ki, Əsgərov 2004-cü ildən "Qarabağ" Futbol Klubunda işləyir. O, 2017-ci ildən Avropa Klublar Birliyinin İşçi Qrupunun üzvü, 2019-cu ildən İşçi Qrupunun katibi, 2023-cü ildən İdarə Heyətinin üzvüdür.