Aslan Kərimov "Karvan"da oynamaq istəyir (FUTBOL+, 21.07.2005)

Futbolçuların müqaviləsində mətbuatla ünsiyyəti qadağan edən bənd var Boluda hazırlığının ilk mərhələsini tamamlayan "Karvan" ikinci toplanışa hazırlaşır. Baş məşqçi Fuad Yaman heyəti istirahətə buraxıb. Futbolçuların çoxu Türkiyədən qayıtmayıb, növbəti çalışmaları orada gözləyir. Xəbər verdiyimiz kimi, yevlaxlılar növbəti təlim-məşq toplanışışnı Kızılcahamama təyin edib. Hazırlıqların bu mərhləsi sabah start götürəcək. Yevlax klubunun bəzi futbolçuları isə dincəlmək üçün Bakını münasib sayıb. İsmayıl Məmmədov, Samir Abbasov, Elxan Həsəsnov, Tərlan Əhmədov və Aslan Kərimov paytaxta üz tutmaq qərarını verənlərdi. Biz isə fürsətdən istifadə edib sözügedən futbolçularla Bolu hazırlığı haqda söhbətləşmək istədik. Gəl ki, Abbasov, Həsənov və Əhmədovla danışmaq arzumuz gerçəkləşmədi. İsmayılla qısa söhbətdə isə həmkarlarının niyə zənglərimizə cavab vermədiyi aydınlaşdı. Belə ki, "Karvan" rəhbərliyi futbolçuların müqavilələrinə mediayla ünsiyyət qadağası əlavə edib. Belədə həmsöhbət qismində hələ ki, klubla rəsmi bağları olmayan Kərimovla əlaqə saxladıq. - Hazırdığın birinci yarısı yaxşı keçdi. Məncə, bu çalışmalarda komanda hardasa 70 faiz komplektləşdi. Yoxlama matçlarında əsasən 4-4-2 taktiki sxemi üzərində işlənildi. İştirak etdiyimiz turnir və yoldaşlıq görüşləri də xeyrimizə oldu. Ümumiyyətlə, Bolu toplanışını xeyli faydalı sayıram. - Təssüf ki bmz onların səviyyəsindən xəbərdar deyilik. Düşərgədəki legionerlər necə təsir bağışladı? - Braziliyalılar (Ernani Pereyra, Do Silva Dias Kleyton və Dieqo Fernandesi nəzərdə tutur - R.) yaxşı futbolçuya oxşayır. Digərləri də özlərini sübut etməyə çalışır. Hər halda bu suala baş məşqçi daha dolğun cavab verər. - "Karvan" rəhbərliyi səninlə müqaviləni niyə gecikdirir? - Burada qarşılıqlı problemlər var. Mənim "Qarabağ"la sözləşmə müddətim bitməyib. Ancaq "Karvan"da oynamaq istəyirəm. Komanda hazırlığını tam bitirib Bakıya dönəndən sonra bu məsələ həll olunmalıdı. - "Qarabağ" rəhbərliyi ilə bugünlərdə görüşməmisən? - Yox, hələ heç kimlə əlaqə yaratmamışam. Sabah yenidən Türkiyəyə qayıdıb "Karvan"ın məşqlərinə qatılacam.