ASLANIN KOMANDASI QALİB GƏLDİ. VİDEO

“Qarabağ” Futbol Klubu çempionatın ilk dövrəsi başa çatsa da hazırlıqlarını sadəcə 2 gün öncə bitirərək, istirahətə yollanıb. Klubumuzun baş məşqçisi Rasim Kara futbolçuların əzmindən və fizikin hazırlığından razı qaldığı üçün futbol çuları “ev”lərinə tez buraxıb.

Lakin, bəzi futbolçular hələdə istirahəti düşünmürlər. Daim idman formasını qorumaqla başqalaırına yaxşı mənada örnək olmağa çalışan “Qarabağ”ın kapitanı Aslan Kərimov istirahətin nə olduğunu bilmir. Hər zaman olduğu kimi fərdi də olsa məşqlərini mütəmadi olaraq davam etdirən kapitanımız milli komandadan olan dostu Elmar Baxşıyevin dostlarına qarşı bazamızda yoldaşlıq matçı keçirib. Aslan dostları “Qarabağ” futbolçuları: Ayxan Abbasov, Əfran İsmayılov, Nodar Məmmədov, Anar Səlimov, Elşən Həsənov olsa da “Xəzər-Lənkəranın şərəfini qoruyan Elmarın briqadasında Ramiz Kərimov (“Xəzər-Lənkəran”), Anar Vəliyev (“Masallı”), Mikayıl Namazov (“Masallı”), Sənan Qurbanov (“Olimpik”) və Elnur Çodarov (NBC) “forma” geyirdi. Aslanın komandası oyuna çox sürətli başladı və 10 dəqiqə sonra hesab artıq 5:0 idi. Düzdü, sonradan Elmar və Anar fəallığı bir qədər oyunu canlandırsa da Ayxan Abbasovun vurduğu 6 qol həlledici oldu. Aslan 4, Əfran  2, Nodar və Elşən hərəyə bir dəfə fərqləndi. Beləliklə, Aslanın və Elmarın dostlarının komandasının matçında 1-cilər 14:5 hesabıyla qalib gəldilər.

AYXAN ABBASOV QOL VURUR VƏ BELƏ SEVİNİR...