AYXAN ABBASOV: “LİDERƏ İLK MƏĞLUBİYYƏTİ YAŞADACAĞIQ”

Matça bir gün qalıb. “Qarabağ” Futbol Klubu bazasında son hazırlıqlarını bitirərək oyun saatını gözləyir. Oyunöncəsi futbolçuların fikrini bilmək maraqlı olardı. Görəsən futbolçular bu önəmli matç öncəsi nə fikirləşir?

Aslan Kərimov, “Qarabağ”ın kapitanı: “ Komandanın əhvalı-ruhiyyəsi yüksəkdir. Sabah qələbə qazanacağımıza inanıram. Son oyunda qələbə qazanıb, fasiləyə yollanmaq istəyirik.”

Azər Məmmədov, klubun təcrübəli müdafiəçisi: “ Məğlub edilməyəcək komanda yoxdur. Düzdü, “Olimpik” mövsümü əla keçirir. Amma biz də heç kimdən zəif deyilik. Qələbə qazanmaq öz əlimizdədir.”

 Fərhad Vəliyev, “Qarabağ”ın və Millinin qapıçısı : “Bəli,  rəqibimizin güclü olduğunu danmaq düzgün olmazdı. Amma bu fakt da bizim üçün qorxulu deyil. Çünki hər bir komanda meydana çıxan zaman ancaq qələbə haqda fikirləşir və ona doğru irəliləyir. “Olimpik” komandasına heç bir zaman məğlub olmamışıq və indi də qələbələr və heç-heçələr sırasına məğlubiyyəti əlavə etmək fikrimiz yoxdur.”

Son günlərdə əla formada olan Ayxan Abbasov isə daha qəti danışdı:”Sizi əmin edirəm. Liderin ilk məğlubiyyətini biz yaşadacağıq!!! Bundan başqa deyəcək sözüm yoxdur.”