AZARKEŞLƏR "HƏR İL İDDİALI KLUB" DEYİRLƏR !

"Qarabağ" Futbol Klubunun rəsmi saytında keçirdiyimiz növbəti sorğu yekunlaşdı. Azarkeşlərimizin klubun apardığı siyasətə, strategiyaya münasibətini öyrənmək üçün keçirdiyimiz sorğuda sayt ziyarətçilərimiz aktiv iştirak etdilər. "Qarabağ"ın hansı xətti- strategiyanı dəstəkləməsini istərdiniz? - sualına respondentlərin demək olar ki yarısı - 41,5% -i İnfrastruktura sərmayə yatırıb, daim iddialı olan klub yaratmaq variantına səs vermişlər. Gəncklərin yetişdirilməsinə önəm vermək də kifayət qədər səs toplamışdır. Bu variant 21,8% səs toplamışdır.  Səbrsiz azarkeşlərimiz də yox deyil. Belə ki, yüksək qiymətə futbolçu alaraq bu gün üçün mübarizə aparmaq variantına 15,8% respondent tərəfdar çıxmışdır. Qalan cüzi hissə digər variantlara səs verənlərdir.

Saytımızda isə yeni bir sorğuya start verildi. İkinci dövrənin hazırlıqlarına Türkiyənin antalya şəhərində start verəcək Klubumuz bir sıra transferlər etməyi də düşünür. İlk dövrədə oyunlarımızı izləyən azarkeşlərimizin hansı mövqeyə oyunçu eytiyacımızın olduğunu öyrənmək üçün bu sörğunu keçirmək istədik. Aktiv olun, səs verin..