Azarkeşlər "Qarabağ"dan ümidini üzməyib (FUTBOL+, 19.11.2005)

"Qarabağ"ın rəsmi saytında növbəti sorğunun yekunları artıq məlumdu. İki həftəyə yaxındı keçirilən sorğuda "Qarabağ"ın birinci dövrəni hansı pillədə başa vuracağı haqda sual qoyulmuşdu. Ağdam klubunun ilk dövrəni 6-cı pillədə başa vuracağına ən çox səs verilib (33%). 27 faiz komandanın 4-cü, 26 faiz isə sonrakı yerləri tutacağını hesab edir. Ağdam klubunun ilk "üçlük"də qərarlaşacağına inananlar 10, 5-ci pillədə yer alacağını güman edənlər isə 4 faizdi. Qeyd edək ki, saytda növbəti sorğu son turda "Göyəzən"lə "ev" matçındakı qələbədə (2:1) hansı futbolçunun rolunun daha çox olmasıyla bağlıdı. İndidən yəqin etmək olar ki, bu oyunçu qazaxlılarla görüşdə dubl edən Samir Musayev olacaq.