AZƏRBAYCAN KUBOKUNUN SAHİBİ - "QARABAĞ" ! ! !

03.06.2006... "Qarabağ" Futbol Klubu tarixinə daha bir günü qızıl hərflərlə yazdı - AZƏRBAYCAN KUBOKUNUN SAHİBİ... ...Final mücadiləsinin gərgin keçəcəyi şübhəsiz idi. Rəqibizim Azərbaycan Çempionatının gümüş medalçısı "Karvan" klubu idi. Çempionluğun son addımlığında büdrəyərək yalnız ikinciliklə kifayətlənən "Karvan" kuboku almağa iddialı idi.Oyun öncəsi verilən açıqlamalarda da rəqib rəsmiləri yalnız qələbə qazanacaqlarını bildirirdilər... "Qarabağ" isə son ölkə kubokunun sahibindən kuboku aldıqdan sonra (14 final, "Bakı") onu heç kimə verməyi düşünmürdü. Yarımfinalda "Neftçi"nı məğlub etdikdən sonra bütün heyət yalnız qələbə haqqında düşünürdü. Verilən açıqlamarda isə, şanslar bərabər olduğu deyilsə də, əzmkarlıq, istək güclü olan tərəfin qalib olacağı xüsusilə vurğulanırdı... ...Oyun başlandı və ilk dəqiqədəcə "Karvan" müdafiəçilərin kobud səhvindən məharətlə istifadə etdi. Bu "Karvan"ın həmin gün son sevinci oldu. Müdhiş tamaşaçı dəstəyi ilə müşahidə olunan "Qarabağ" oyunu ilə meydanda şou göstərdi. Ot örtüyünün yaxşı vəziyyətdə olmaması da oyuna təsir etmədi. Hər iki hissənin son dəqiqələrində vurulmuş qollar "Qarabağ"a qələbə gətirdi. Hesabda geri olmasına baxmayaraq, qələbə qazanmağı bacaran "Qarabağ" ƏZMKARLIĞını bir daha göstərdi. "QARABAĞ" KOMANDAMIZI AZƏRBAYCANI UEFA KUBOKUNDA LAYİQİNCƏ TƏMSİL EDƏCƏYİNƏ ŞÜBHƏ ETMİRİK. HAMIMIZ - "QARABAĞ" AZƏRBAYCAN - SƏDALARININ AVROPA MEYDANLARINDAN GƏLƏCƏYİ ÜÇÜN QÜRURLUYUQ. BÜTÜN MÖVSÜM BOYU, XÜSUSİLƏ FİNAL MÜCADİLƏSİNDƏ KOMANDAMIZA DƏSTƏK OLAN HƏR BİR AZARKEŞƏ, FANATLARIMIZA, KÖNLÜ "QARABAĞ"LA DÖYÜNƏN HƏR BİR KƏSƏ ÖZ DƏRİN MİNNƏTDARLIĞIMIZI BİLDİRİRİK.