"BAKI" - "QARABAĞ"...HESAB 0:0

Bu gün saat 18:00-da Tofiq Bəhramov adına stadionda Premyerliqanın XXIV turunda "Bakı" - "Qarabağ" qarşılaşması baş tutacaq. Xatırladaq ki, canlı yayımla əlaqədar olaraq oyunun başlanma vaxtı 17:00-dan 18:00-a keçirilib. "Qarabağ" bu prinsipial qarşılaşmada aşağıdakı heyətlə çıxış edəcək:

"QARABAĞ" - Fərhad Vəliyev, Nodar Məmmədov, Mamadouba Soumah, Azər Məmmədov, Maksim Medvedev, Zaur Həşimov, Ayxan Abbasov, Qoqa Beraya, Murad Ağakişiyev, Viktor İqbekoye, Kənan Kərimov

"BAKI" - Xalidu Sisoko, Rafael Əmiraslanov, Stanislav Batçev, Ernad Skuliç, Anatoli Ponomaryov, Fernando Perez, Cəmşid Məhərrəmov, Əhməd Ticani, Səbuhi Həsənov, Elnur Abdullayev, Dejan Brankoviç

1-ci dəqiqə - Oyun başladı

2-ci dəqiqə - "Qarabağ" oyunda ilk hücumunu təşkil edir

3-cü dəqiqə - Tərəflər arasında top uğrunda mübarizə aparırlar

5-ci dəqiqə - Hakim qapımıza ilk cərimə zərbəsini təyin edir. Top canlı səddə dəyərək geri dönür

6-ci dəqiqə - Ayxan Abbasov tək irəliləsə də rəqib müdafiəçilər dəqiq oynayır

7-ci dəqiqə - Fernando Perez qapımıza zərbə endirsə də top qapının üstündən keçir

9-cu dəqiqə - Komandalar hücum qurmaqda çətinlik çəkir

12-ci dəqiqə - Oyunda ilk künc zərbəsi. Künc zərbəsini Fernando Perez yerinə yetirir. Müdafiəçilər topu uzaqlaşdırırlar

15-ci dəqiqə - "Bakı" Ponomaryovla hücum qurur. Lakin gənc müdafiəçi Nodar Məmmədov bu hücumun qarşısını alır

16-cı dəqiqə - "Qarabağ" əks hücum təşkil edir. Lakin Viktorun ötürməsi dəqiq alınmadı

18-ci dəqiqə - "Qarabağ"ın növbəti hücumu. Maksim Medvedev sağ cinahla irəliləsə də onun qarşısı kobudluqla alınır. Hakim cərimə zərbəsi təyin edir. Lakin Muradın vurduğu zərbə dəqiq alınmır

20-ci dəqiqə - Tərəflər meydanın mərkəzində mübarizə aparır

22-ci dəqiqə - "Bakı"nın növbəti hücumunun qarşısı müdafiəçilərimiz tərəfindən alınır

26-cı dəqiqə - "Qarabağ" əks hücum təşkil edir. Lakin Murad Ağakişiyevin ötürməsindən sonra Kənan oyundan kənar vəziyyətə düşür

32-ci dəqiqə - Oyunda daha bir qayda pozuntusu. Ayxan Abbasova qarşı kobud oyun var və hakim cərimə zərbəsi təyin edir

34-cü dəqiqə - Ayxanın uzaq məsafədən vurduğu zərbə qapının yanından keçir

37-ci dəqiqə - Oyun meydanın "Bakı"ya aid hissəsində davam edir

38-ci dəqiqə - Oyunda ilk məcburi oyunçu dəyişikliyi. "Bakı"nın kapitanı Rafael Əmirbəyov zədələnərək meydanı tərk edir. Onu Leandro Qomeş əvəz edir

39-cu dəqiqə - "Bakı"nın heyətində daha bir oyunçu dəyişikliyi. Bu dəfə meydanı tərk edən futbolçu Anatoli Ponomaryov olur. Onun əvəzinə meydana Bəxtiyar Soltanov çıxır

40-cı dəqiqə - Oyunda ilk sarı vərəqə. Baçev Viktora qarşı kobud oyuna görə sarı vərəqə ilə cəzalanır

41-ci dəqiqə - "Bakı"nın növbəti hücumu. Lakin gənc müdafiəçi Maksim Medvedev Qomeşə irəliləməyə imkan vermir

42-ci dəqiqə - Oyunda ilk 100%-lik qol şansı. Ayxanın ötürməsindən sonra Zaur topa başla zərbə endirsə də top dirəkdən geri dönür

45-ci dəqiqə - Cəmşid Məhərrəmovun zərbəsini Fərhad asanlıqla dəf edir

45-ci dəqiqə - Hakim ilk hissəyə 1 dəqiqə əlavə edir

DİGƏR OYUNLARIN NƏTİCƏLƏRİ:

"OLİMPİK" - "KARVAN" 2:0

"QƏBƏLƏ" - "GƏNCLƏRBİRLİYİ" 2:2

47-ci dəqiqə - "Bakı" cərimə zərbəsi yerinə yetirir. Peresin zərbəsi qapının üstündən keçir

49-cu dəqiqə - Daha bir real qol imkanı. Rəqib müdafiəçilərin səhvindən istifadə edən Viktor qapıçı ilə təkbətək qalsada bu fürsətdən istifadə edə bilmir

54-cü dəqiqə - Ayxan Abbasovun uzaq məsafədən daha bir zərbəsi... Bu dəfə də top qapının üstündən keçir

56-cı dəqiqə - Zaur Həşimov qapıya uzaqdan zərbə endirsə də top qapının üstündən keçir

57-ci dəqiqə - Oyun meydanın mərkəzində davam edir

61-ci dəqiqə - "Qarabağ" künc zərbəsi yerinə yetirir. Lakin Muradın zərbəsindən sonra rəqib müdafiəçilər topu uzaqlaşdıra bilirlər

63-cü dəqiqə - Oyunda ikinci sarı vərəqə. Səbuhi Həsənov kobud oyuna görə sarı vərəqə ilə cəzalanır

64-cü dəqiqə - "Qarabağ"ın növbəti hücumu. Lakin Muradın ötürməsi dəqiq olmur

66-cı dəqiqə - Hesab dəyişməz olaraq qalır

68-ci dəqiqə - "Bakı"nın növbəti hücumu. Lakin Azər Məmmədov rəqib hücumçuların qarşısını alır

69-cu dəqiqə - "Bakı"nın heyətində sonuncu oyunçu dəyişikliyi. Elnur Abdullayevi Amiran Muciru əvəz edir

70-ci dəqiqə - "Qarabağ"ın növbəti hücumu. Ayxan topu Murada tərəf ötürür o isə öz növbəsində topu Vaqifə ötürməyə çalışır . Lakin ötürmə dəqiq alınmır

71-ci dəqiqə - "Qarabağ"ın heyətində ikinci oyunçu dəyişikliyi. Viktoru Elşən Məmmədov əvəz edir

75-ci dəqiqə - Rəqib komanda oyunda ilk real qol şansını əldən verir. Künc zərbəsindən sonra Peres qapıya zərbə endirsə də top qapıdan aralı keçir

76-cı dəqiqə - "Qarabağ"ın növbəti hücumu. Vaqif Cavadovun zərbəsi dəqiq alınmır  

79-cu dəqiqə - Daha bir künc zərbəsi. Bu zərbə zamanı Vaqif ötürmə etməyə çalışsa da Baçev bu topa sahib çıxır

80-cı dəqiqə - "Qarabağ"ın heyətində son oyunçu dəyişikliyi. Qoqa Berayanı Pupo əvəz edəcək 

85-ci dəqiqə - "Qarabağ" komandasının növbəti hücumu. Rəqib müdafiəçilər çətinliklə də olsa bu hücumun qarşısını alır

88-ci dəqiqə - "Bakı" komandası hesabı açmağa çox yaxın idi. Müdafiəçilərin səhvindən istifadə edən Ticani Fərhad Vəliyevlə təkbətəkə çıxır. Lakin zərbəsi qapının yanından keçir 

89-cu dəqiqə - "Qarabağ" cərimə zərbəsi yerinə yetirir. Puponun zərbəsi qapının üstündən keçir

90-cı dəqiqə - Hakim ikinci hissənin  əsas vaxtına 2 dəqiqə əlavə edir

92-ci dəqiqə - Oyun başa çatdı. Hesab 0:0