"BARSELONA" ACIĞINI ÇIXDI,..VİDEO...

 “La Liqa”da bu sezon heç cür birinciliyi əldə edə bilməyən və çempionluq şansını itirən “Barselona” acığını, tarixinin ən pis dönəmini yaşayan “Valensiya”dan çıxdı.
“Nou Camp”da keçirilən matçda futbolsevərlər qol yağışı izlədilər. Hesab çox erkən açıldı. Qarşılaşmanın 5-ci dəqiqəsində Messi gözəl zərbə ilə “Barsa”nı hesabda irəli çıxardı. “Valensiya” nə baş verdiyini anlamamış daha bir qol 8-ci dəqiqədə Xavidən gəldi. 14-cü dəqiqədə Anri yenidən “Valensiya”nı meydanın mərkəzinə dəvət etdi. Tərəflər fasiləyə bu hesabla yollandılar. Amma görünür 14 dəqiqə ərzində vurulmuş 3 qol kifayət deyildi. İkinci yarı başlayar - başlamaz, 58-ci dəqiqədə azarkeşlər daha bir qolun şahidi oldular. Anri... 4:0... Oyunun 5-ci qolu Krikicdən gəldi. Elə qarşılaşmada son nöqtəni də gənc futbolçu qoydu. 79-cu dəqiqəda valensiyalı azrkeşlər 6-cı, sonuncu dəfə məyus oldular. Ötən həftə çempionluq şansını itirən “Barselona” “Valensiya”nı 6:0 məğlub etdikdən sonra çempionluq yolunda ikincilik şansını qorumağı bacardı. 
 

"BARSELONA" - "VALENSİYA" 6:0...