BAYRAMINIZ MÜBARƏK ! ! !

Üç bayram bir yerdə. . . Tarix elə dövran etdi ki, bu il Azərbaycan Xalqı üç bayramı bir gündə qeyd etməli oldu. Həm Dünya Azərbaycanlılarının həmrəyliyi günü, həm Yeni il, həm də Qurban Bayramı xalqımız üçün biri-birindən əziz günlərdir . . . Dünyada bir neçə on milyonlarla azərbaycanlılar yaşayır. Onlar yalnız öz vətənində Azərbaycan Respublikasında yox, dunyanın bir çox ölkələrində, o cümlədən Türkiyədə,İranda, Almaniyada, Fransada, Böyük Britaniyada, Skandinaviya ölkələrində, ABŞ-da, Asiya və Yaxın Şərq ölkələrində də yaşayırlar. Azərbaycan Respublikasının yaranması azərbaycan xalqının öz mövqeyinin və şüurunun artmasına böyük təkan verdi. Milli dirçəliş və milli əlaqələrin güclənməsi tələbatı daha da artırdı. Buna cavab olaraq, 1993-cü ildə Azərbaycan Respublikası prezidentinin fərmanı ilə 31 dekabr – dünya azərbaycanlıların həmrəylik günü elan edildi. Həmin gün dünyanın bir çox ölkələrində Azərbaycan ictimayəti tərəfindən qeyd olunur. Məhz bu gün həm də bütün dünya xalqlarında olduğu kimi, Yeni İlin gəlişi günü kimi də qeyd olunur. 2006-cı ildən 2007-ci ilə keçidin son günü həm də İslam Dünyasında böyük təntənə ilə qeyd olunan Qurban Bayramı günü kimi də qeyd olunacaq. İslamın ayrılmaz bir hissəsi olan ölkəmizdə də bu gün böyük təntənə ilə qeyd olunacaq... “Qarabağ” Futbol Klubu bütün Azərbaycan xalqını, o cümlədən azarkeşlərimizi, Futbol Klublarımızı, mediya mənsublarını qarşıdan gələn bayramlar münasibətilə təbrik edir, gələcək ildə şad, firavan günlər arzulayır. BAYRAMINIZ MÜBARƏK !