BERTİ FOQTS “QARABAĞ”I ZİYARƏT ETDİ

Məlum olduğu kimi, millimizə yenicə baş məşqçi təyin olunub. Bu dünyaca ünlü mütəxəssis Berti Foqtsdur. Oyuncu olaraq dünya, məşqçi kimi Avropa çempionu olan almaniyalı mütəxəssis posta təyin olunar-olunmaz fəaliyyətə başlayıb. Dünən “İnter” və “Bakı” komandalarının məşqini izləyən millinin “çiçəyi” burnunda çalışdıcısı bu gün də “Qarabağ”ın hazırlığını izləməyə təşrif buyurub. 62 yaşlı mütəxəsis komandamızın baş məşqçisi Rasim Kara ilə səmimi görüşüb. Vaxtilə milli komandada çıxışları zamanı keçirdikləri oyunu yadda salan mütəxəssislər uzun müddət söhbət ediblər. Rasim Kara “Qarabağ”ın siyasəti, apardıqları gəncləşdirmə siyasəti haqqında danışdı. Foqts öz addından bunun çox önəmli olay olmasını bildirib. Rasim Hoca millidə çıxış edən və namizəd  gördüyü  futbolçular haqqında alman çalışdırıcıya məlumat verib.

Foqts eyni zamanda Suraxanı stadionun sahəsini çox bəyəndiyini də bildirdi. Hələlik, Bakıda belə bir sahə ilə qarşılaşmadığını bildirən Foqts millinin bu stadionda məşq keçməsindən məmnun qalacağını bildirib. Aeroportun yaxınlıqda yerləşməsini də qeyd edən Foqts həm məşq, həm də oyun keçirilən stadionda belə ot örtüyünün olmasından məmnun olduğunu gizlətmədi. Foqts məşqi  sona qədər izləyib hər bir futbolçunu diqqətlə nəzərdən keçirib öz qeydlərini apardı.

Məşq bitdikdən sonra Rasim Kara ilə sağollaşan Foqts mütəmadi olaraq görüşəcəyini bildirdi.