BİNƏDƏ TƏMƏL ATILDI

Nəinki, “Qarabağ” Futbol Klubu eyni zamanda bütün Azərbaycan idmanı üçün misilsiz əhəmiyyəti olan bu tədbir reallaşdı. Qafqazda analoqu olmayan kompleksin təməlatma  prosesi nəhayət gerçəkləşdi.  Bəli, tezliklə Azərbaycan misli olmayan bir kompleksə qovuşacaq.

Əslində, “Qarabağ” Futbol Klubunun bazasının inşasının ilkin mərhələsinə bir neçə həftə öncə başlanmışdı. Uzun müddət xarici şirkətlərlə fikir alış-verişi edən klubumuz kompleks üçün ən mükəmməl variantı axtarırdı. Və nahayət analoqu olmayan baza üçün hər şey tamamlandı.

Binə ərazisində, aeroportdan 2 km aralıda  yerləşən, ən xırda detalın belə nəzərə alındığı kompleksin təməlatma prosesi həqiqətən də çox möhtəşəm hadisə idi.

Tədbirə “Qarabağ” Futbol Klubunun demək olar ki, bütün heyəti qatılmışdı. “Qarabağ” Futbol Klubunun prezidenti Abdulbari Goozal, vitse – prezidenti Tahir Gözel, “Azersun holding” şirkətlər qrupunun baş direktoru Fevzihan Arasın iştirakıyla böyük bir izdihamın qatılımıyla təməlatma layihəsi baş tutdu. İlk olaraq sözə başlayan cənab Abdulbari Goozal bu kompleksin əhəmiyyətindən, ölkə üçün bir ilk olduğundan, insanların sağlam həyat prinsiplərinə yönəlməsindən danışdı. Ardınca klubumuzun prezidenti xeyir-dua verərək bazanın ilk təməlini atdı. Abdulbari bəyin ardınca Tahir bəy və Fevzihan bəy də inşaata  öz  töhfələrini verdilər.

Klubumuzun prezidenti eyni zamanda futbolçularla qısaca olaraq söhbət etdi. Futbolçulara inandığını və onlardan yaxşı nəticə gözlədiyini bildirən Abdulbarı bəy həmişə komandanın yanında olacaqlarını bildirdi. “Qarabağ”ın kapitanı Aslan Kərimov da öz növbəsində rəhbərə göstərdiyi etimada görə təşəkkür etdi. Kərimov eyni zamanda Klub başçısına çempionluq sözü verdi.

Fevzihan bəyin tədbir iştirakçılarına verdiyi məlumata görə, artıq cari ilin sonunda futolçuların qala biləcəyi inzibati bina hazır olacaq. Futbol mövsümünün sonunda isə  3 yüksək səviyyəli futbol sahəsi istismara hazır olacaq.  Eyni zamanda stadionun tikintisinin də daxil olmaqla komleksin Cənubi Koreya şirkəti ilə əməkdaşlıq ediləcəyi qeyd edildi.

 TƏMƏLATMA MƏRASİMİ-ndən maraqlı anlar...