BİR FUTBOLÇU DAHA

“Qarabağ” Futbol  Klubu Antalyadakı təlim-məşq toplanışı sona yaxınlaşır. Hazırlıq öz axarıyla davam etdiyi kimi transfer çalışmaları da davam edir. Xəbər verdiyimiz kimi,  düşərgəyə 4 legioner təşrif buyurmuşdu. Artıq, onlardan 3 Albert, Simon, Sissenin hazırlığı klubun tələblərinə uyğun gəlmədiyi üçün yola salınıb. Sello isə hələlik düşərgədə saxlanılıb. Baş məşqçi RAsim Kara futbolçunu bəyəndiyini lakin qərarın yaxın günlərdə veriləcəyini bildirdi.

Dünən axşam isə komandamız yeni bir legioner təşrif buyurub. Bu dəfə gələn futbolçu Ruminiyadan gəlib.  Moldavalı Gennadi Bogyunun sonuncu klubu Ruminiyanın “Otselul” klubu olub. Hücumçudur. 26 yaşı var. 182 sm boya 73 kq çəkiyə malikdir. Moldavanın əsas millisində 1 dəfə elə Rumıniyaya qarşı forma geyinib.

Futbolçu dünən yoldan gəlsə də, birbaşa qatıldığı məşqdə  2 qol vurmaqla yaxşı mənada fərqləndi. Gennadinin taleyinə yaxın günlərdə aydınlıq gələcək.