BOBO BRAZİLİYA YIĞMASINDA
BOBO BRAZİLİYA YIĞMASINDA
Sezonun əvvəlində Fransanın iki məşhur klubu Saint Etienn ilə Marsel “Beşiktaş”a müraciət edərək Bobonu öz klublarında görmək istədiklərini bildirib. Bobonun "Beşiktaş"dan getməsi üçün St. Etienn 4.5 milyon Avro, Marsel isə 5 milyon Avro təklif edib. Lakin “Ağ-qaralılar” transfer qiymətinin 7.5 milyon olduğunu bəyan ediblər. Bobo ilk yarıda atdığı qollarla Qara Qartalları yüksəklərə uçurarkən, braziliyalını yaxından izləyən St. Etienn klubu bir daha Qartalların qapısını döydü. Bu dəfə onlar 7.5 milyon ödəməyə hazır idilər. Amma “Beşiktaş” qapını 15 milyon Avroya açacağını bildirdi. Həmçinin onu da qeyd edək ki, Bobo Braziliya yığmasına da dəvət olunub .
O ölkəsinin İrlandiya millisi ilə oynayacağı hazırlıq matçına çağırılıb. Əvvəllər Braziliyanın U-21 Milli komandasının formasını geyən Bobo, ilk dəfə Braziliya Milli komandasının əsas heyətində çıxış etmək şansı qazanıb. Bobo matçda forma geyərsə, ilk dəfə Braziliyanın A Milli komandasının formasında meydana çıxmış olacaq.