BÖYÜKAĞA AĞAYEV: "TAPŞIRIQLARIM YERİNƏ YETİRİLDİ..."

"Zimbru" Moldova - "Qarabağ" Azərbaycan oyunundan matça həsr olunmuş Mətbuat Konfransı keçirildi. "Zimbru"nun Mətbuat Katibinin konfransı açıq elan etməsindən sonra komandamızın Baş Məşqçisi Böyükağa Ağayev fikirlərini bölüşdü: "Uşaqların qarşısına məqsəd qoymuşdum ki, qol buraxmayaq. Əgər buna nail olsaydıq qol vuracaöımıza inanırdım. Elə də oldu. İkinci hissədə gözəl kombinasiyanı qolla tamamladıq. Qollu heç-heçə bizə növbəti mərhələ üçün yol açdığını deyə bilərəm..." Sonra "Zimbru" Baş Məşqçisi Tabanov fikirlərini bölüşdü: "Komandam ilk hissədə yaratdığı mövqelərdən yararlanmaması məni narahat edirdi. İkinci hissəyə başlamamışdan əvvəl də futbolçularıma çox diqqətli müdafiə olunmağı tapşırmışdım. Gözlədiyimiz də başımıza gəldi. "Qarabağ"ın qol burması şanslarımızı onların xeyrinə dəyişdi. Çalışacağıq ki, rəqib meydanda növbəti mərhələni təmin edək. Amma daha çətin olacağını deməyə ehtiyac yoxdur..."