`Brügge` - `Qarabağ` matçının baş hakimi bəllidi

`Qarabağ`ımız Avroliqada əmin addımlarla irəliləməkdədir. `Streymur` səddini keçən komandamızın 3-cü mərhələdəki rəqibi Avropanın seçilən klublarından olan `Brügge` olacaq. İyulun 28-ində `Qarabağ`ımız Belçikada ilk oyununa çıxacaq. Artıq UEFA oyunu idarə edəcək baş hakimin adına aydınlıq gətirib. `Brügge` - `Qarabağ` oyununu Şimali İrlandiyadan olan hakimlər briqadası idarə edəcək.
Baş hakim funksiyasını  Arnold Hanter yerinə yetirəcək. Hanterin köməkçiləri hələ bəlli deyil.
Qeyd edək ki, `Qarabağ` – `Brügge` görüşü iyulun 28-də keçiriləcək. Brüggedəki `Yan Breydelstadion` arenasında keçiriləcək matçın start fiti yerli vaxtla 20:30-da (Bakı vaxtı ilə 23:30-da) veriləcək. Cavab görüşü isə avqustun 4-də Bakıda baş tutacaq.