BU DƏFƏ 20

 “İnter” – “Qarabağ” derbisinə artıq saatlar qalıb. Getdikcə tarixi  rəqabətə çevrilən derbiyə maraq yetərincədir. Hər iki klub mövsümə iddialı başladığından gərgin mücadilə olacağı sözsüzdür. Maraqlıdır ki, ötən mövsüm adı çəkilən komandayla yollarımız bir neçə aspektdə kəsişib. Eyni zamanda kubokda da qarşı-qarşı gəldiyimiz "bankir"lərə koamndamız son matçda "çempionluq" da hədiyyə etmişdi. Ümumilikdə, sabah baş tutacaq qarşılaşma tərəflərin bir-birilə sayca 20-cu mücadiləsi kimi tarixə düşəcək. Bu görüşlərdə 18-si çempionat oyunlarında reallaşıb. Və alınmış nəticələrə gəlincə. Burada nisbi bərabərliyə rast gəlirik.  7 qələbəmizə rəqib son mövsümdə qazandığı qələbələrlə tarazlıq yarada bilib. Toplara fərqinə gəlincə burada üstünlüyümüz daha  böyükdür. Buraxdığımız 13 qola qarşılıq 18 dəfə qola sevinmişik.

Sonda onu xatırladaq ki,“İnter” – “Qarabağ” matçı Şəfa stadionunda saat 16:00-da baş tutacaq.
Azarkeşlərimizi qələbəni birlikdə qeyd etməyə dəvət edirik.