BU GÜNDƏN 1 MƏŞQ

“Qarabağ” Futbol Klubu hazırlıqlarını davam etdirir. II dövrənin başlanmasına az qalmış komandamızda məşqlərin sayı və həcmi get-gedə azalmaqdadır. Belə ki, Türkiyədən bu yana gündə 2 dəfə məşq edən komandamız bu gün bir hazırlıqla kifayətlənməli olub. Bu gün keçirilmiş yeganə məşq 15:30-da baş tutub. Hava şəraiti ilə əlaqədar olaraq məşq “Şəfa” stadionunun 4-cü sahəsində keçirilib. Sabahdan isə komandamız bazada toplaşacaq. Oyun gününə qədər komanda bazada qalacaq. Heyətdə zədəli futbolçu olmaması texniki heyəti sevindirir. Zaur Həşimov 4 sarı vərəqə səbəbindən “Simurq”la görüşü buraxmalı olsa da yeni transferimiz komadayla hazırlığını davam etdirir.

Xatırladaq ki, oyun 16  fevralda ev oyunlarımızı keçirəcəyimiz Suraxanı, Tofiq İsmayılov adına qəsəbə stadionunda keçiriləcək. Görüşün 15:00-da baş tutması nəzərdə tutulub. Hər zaman olduğu kimi, klubumuzun rəsmi saytı azarkeşlərimizi yenə tək qoymayacaq. Hələ çempionatın ilk yarısında başladığımız “online” layihəsini bu dəfə də rəngarəng edəcəyik. Bu dəfə “Qarabağ”ın oyunlarını dəqiqəbədəqiqə saytımızdan izləməklə yanaşı keçirilən digər oyunlar haqqında anında məlumat alacaqsınız.